ಕರ್ನಾಟಕ ವೆದರ್ ರಿಪೋರ್ಟ್: ನಾಳೆಯಿಂದ ರಾಜ್ಯದಲ್ಲಿ ದಿಢೀರ್ ಹವಾಮಾನ ಬಡಲಾವಣೆ; ಮಳೆಯಾಗುವ ಜಿಲ್ಲೆಗಳ ಕಂಪ್ಲೀಟ್ ಲಿಸ್ಟ್ ಇಲ್ಲಿದೆ.

ಮಾರ್ಚ್ ತಿಂಗಳು ಅರ್ಧ ಮುಗಿಯುವ ಮುನ್ನವೇ ಸೂರ್ಯ ನೆತ್ತಿ ಸುಡುತ್ತಿದ್ದಾನೆ. ಮಧ್ಯಾಹ್ನ ಆಗ್ತಿದ್ದ ಹಾಗೆ ಮನೆಯಿಂದ ಆಚೆ ಕಾಲಿಡೋಕೆ ಭಯ ಆಗುವಷ್ಟು ಬಿಸಿಲು ಶುರುವಾಗಿದೆ. ಕರೆಂಟ್ ಬಿಲ್ ಎಷ್ಟೇ ಬಂದರೂ ಪರವಾಗಿಲ್ಲ ಅಂತ ಜನ ದಿನವಿಡೀ ಫ್ಯಾನ್, ಎಸಿ ಆನ್ ಮಾಡಿಕೊಂಡೇ ಕೂರುವಂತ ಪರಿಸ್ಥಿತಿ ನಿರ್ಮಾಣವಾಗಿದೆ. “ಅಪ್ಪಟ ಬೇಸಿಗೆ ಬರುವ ಮುನ್ನವೇ ಈ ರೇಂಜಿಗೆ ಬಿಸಿಲಿದ್ರೆ, ಮುಂದೇನಪ್ಪಾ ಗತಿ?” ಅಂತ ಟೆನ್ಷನ್ ಮಾಡಿಕೊಂಡಿದ್ದ ರಾಜ್ಯದ ಜನತೆಗೆ ಭಾರತೀಯ ಹವಾಮಾನ ಇಲಾಖೆ (IMD) ಕೊನೆಗೂ ಒಂದು ರಿಲೀಫ್ ಕೊಟ್ಟಿದೆ.

ಬಿಸಿಲಿನ ಝಳಕ್ಕೆ ಬೆಂದಿದ್ದ ಕರುನಾಡಿಗೆ ಮುಂದಿನ 48 ಗಂಟೆಗಳಲ್ಲಿ ವರುಣ ದೇವ ತಂಪೆರೆಯಲಿದ್ದಾನೆ! ಹೌದು, ರಾಜ್ಯದ ಹವಾಮಾನದಲ್ಲಿ ದಿಢೀರ್ ಬದಲಾವಣೆಯಾಗಲಿದ್ದು, ನಾಳೆಯಿಂದ ಮಳೆ ಶುರುವಾಗಲಿದೆ.

ಇಂದಿನ ಪರಿಸ್ಥಿತಿ ಏನು? (ಮನೆಯಲ್ಲೇ ಇರಿ!)

ಗುಡ್ ನ್ಯೂಸ್ ನಾಳೆಯಿಂದ ಶುರುವಾಗಲಿದೆ ನಿಜ, ಆದರೆ ಇಂದು (ಮಾರ್ಚ್ 14) ನೀವು ಬಿಸಿಲಿಗೆ ಮೈಯೊಡ್ಡಲೇಬೇಕು! ಇವತ್ತು ರಾಜ್ಯಾದ್ಯಂತ ಒಣಹವೆ (Dry Weather) ಮುಂದುವರೆಯಲಿದ್ದು, ಮಳೆಯಾಗುವ ಯಾವುದೇ ಲಕ್ಷಣಗಳಿಲ್ಲ. ಕಲ್ಯಾಣ ಕರ್ನಾಟಕದ ಯಾದಗಿರಿ, ರಾಯಚೂರು, ಕಲಬುರಗಿಯಲ್ಲಿ ತಾಪಮಾನ 37°C ಗೆ ಏರಿಕೆಯಾಗಲಿದ್ದರೆ, ನಮ್ಮ ದಾವಣಗೆರೆ, ಬಳ್ಳಾರಿ, ಬಾಗಲಕೋಟೆಯಲ್ಲಿ 36°C ಉಷ್ಣಾಂಶ ದಾಖಲಾಗಲಿದೆ.

ನಾಳೆಯಿಂದ ಎಲ್ಲೆಲ್ಲಿ ಮಳೆ ಶುರು?

ಹವಾಮಾನ ಇಲಾಖೆಯ ಲೇಟೆಸ್ಟ್ ರಿಪೋರ್ಟ್ ಪ್ರಕಾರ, ಮಾರ್ಚ್ 15 (ಭಾನುವಾರ) ದಿಂದ ವಾತಾವರಣ ತಂಪಾಗಲಿದೆ. ಕರಾವಳಿ ತೀರ ಹಾಗೂ ಮಲೆನಾಡಿನ ಘಟ್ಟ ಪ್ರದೇಶಗಳಲ್ಲಿ ತುಂತುರು ಮಳೆಯಾಗುವ ಸಾಧ್ಯತೆಯಿದೆ. ಇನ್ನು ಸೋಮವಾರ (ಮಾರ್ಚ್ 16) ರಾಜಧಾನಿ ಬೆಂಗಳೂರು ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಹಗುರದಿಂದ ಸಾಧಾರಣ ಮಳೆಯಾಗಲಿದೆ.

ನಿಮ್ಮ ಜಿಲ್ಲೆಯ ಹವಾಮಾನ ಹೇಗಿದೆ?

ತಾರೀಖು / ವಿವರ	ಜಿಲ್ಲೆಗಳ ಪಟ್ಟಿ (Districts List)
ನಾಳೆ ಮಳೆಯಾಗುವ ಜಿಲ್ಲೆಗಳು (ಮಾ.15)	ದಕ್ಷಿಣ ಕನ್ನಡ, ಮೈಸೂರು, ಕೊಡಗು, ಹಾಸನ ಮತ್ತು ಚಿಕ್ಕಮಗಳೂರು.
ನಾಡಿದ್ದು ಮಳೆಯಾಗುವ ಜಿಲ್ಲೆಗಳು (ಮಾ.16)	ಬೆಂಗಳೂರು ನಗರ, ಕೋಲಾರ, ರಾಮನಗರ, ಚಿಕ್ಕಬಳ್ಳಾಪುರ, ಉಡುಪಿ, ಉತ್ತರ ಕನ್ನಡ, ಶಿವಮೊಗ್ಗ, ಹಾವೇರಿ, ಗದಗ, ಧಾರವಾಡ ಹಾಗೂ ಕೊಪ್ಪಳ.
ಮಳೆ ಇಲ್ಲದ, ಬಿಸಿಲಿರುವ ಜಿಲ್ಲೆಗಳು	ದಾವಣಗೆರೆ, ಚಿತ್ರದುರ್ಗ, ಬಳ್ಳಾರಿ, ರಾಯಚೂರು, ಕಲಬುರಗಿ, ವಿಜಯಪುರ, ಬಾಗಲಕೋಟೆ, ಬೆಳಗಾವಿ, ಬೀದರ್.

ಎಚ್ಚರಿಕೆ: ಇಂದು (ಮಾ.14) ಬಿಸಿಲಿನ ತೀವ್ರತೆ ವಿಪರೀತವಾಗಿ ಇರುವುದರಿಂದ, ಮಧ್ಯಾಹ್ನ 12 ರಿಂದ 3 ಗಂಟೆಯವರೆಗೆ ಶಾಲಾ ಮಕ್ಕಳು, ಗರ್ಭಿಣಿಯರು ಹಾಗೂ ವಯಸ್ಸಾದವರು ಅನಗತ್ಯವಾಗಿ ಬಿಸಿಲಿನಲ್ಲಿ ಓಡಾಡಬೇಡಿ. ಆದಷ್ಟು ಲಿಂಬೆ ಹಣ್ಣಿನ ಜ್ಯೂಸ್, ಮಜ್ಜಿಗೆ ಕುಡಿಯಿರಿ.

ಸಲಹೆ (ರೈತರಿಗಾಗಿ):

ಮಳೆ ಬರುವುದು ಜನಸಾಮಾನ್ಯರಿಗೆ ಖುಷಿಯ ವಿಚಾರ. ಆದರೆ, ಈಗ ತಾನೇ ಬೆಳೆ ಕಟಾವು ಮಾಡಿರುವ ರೈತರಿಗೆ ಇದು ಟೆನ್ಷನ್ ತರಿಸುವ ವಿಚಾರ! ನಾಳೆಯಿಂದ (ಮಾ.15) ದಿಢೀರ್ ಮಳೆಯಾಗುವ ಮುನ್ಸೂಚನೆ ಇರುವುದರಿಂದ, ಕಣದಲ್ಲಿ ಒಣಗಲು ಹಾಕಿರುವ ಅಡಿಕೆ, ಮೆಕ್ಕೆಜೋಳ, ರಾಗಿ ಅಥವಾ ಇನ್ನಿತರ ಧಾನ್ಯಗಳನ್ನು ಇಂದೇ ಟಾರ್ಪಾಲಿನ್ (Tarpaulin) ಹಾಕಿ ಭದ್ರಪಡಿಸಿಕೊಳ್ಳಿ. ರಾತ್ರಿ ವೇಳೆ ಮಳೆ ಬಂದರೆ ಫಸಲು ಹಾಳಾಗುವ ಅಪಾಯವಿರುತ್ತದೆ.

FAQs (ಸಾಮಾನ್ಯ ಪ್ರಶ್ನೆಗಳು)

ಪ್ರಶ್ನೆ 1: ಉತ್ತರ ಕರ್ನಾಟಕದ ಕಡೆ ಮಳೆ ಬರುವ ಚಾನ್ಸ್ ಇಲ್ವಾ? ಉತ್ತರ: ಹವಾಮಾನ ಇಲಾಖೆ ವರದಿ ಪ್ರಕಾರ ಸದ್ಯಕ್ಕೆ ಕಲ್ಯಾಣ ಕರ್ನಾಟಕ ಮತ್ತು ಕಿತ್ತೂರು ಕರ್ನಾಟಕದ ಬಹುತೇಕ ಜಿಲ್ಲೆಗಳಲ್ಲಿ (ದಾವಣಗೆರೆ, ಚಿತ್ರದುರ್ಗ, ಬೀದರ್, ಕಲಬುರಗಿ) ಮಳೆಯ ಮುನ್ಸೂಚನೆ ಇಲ್ಲ. ಇಲ್ಲಿ ಮುಂದಿನ ಕೆಲವು ದಿನ ಒಣಹವೆ ಇರಲಿದೆ.

ಪ್ರಶ್ನೆ 2: ಬೆಂಗಳೂರಿನಲ್ಲಿ ಮಳೆ ಯಾವ ಸಮಯದಲ್ಲಿ ಬರಬಹುದು? ಉತ್ತರ: ಮಾರ್ಚ್ 16ರ ಸೋಮವಾರದಂದು ಬೆಂಗಳೂರು ನಗರದಲ್ಲಿ ಮೋಡ ಮುಚ್ಚಿದ ವಾತಾವರಣ ಇರಲಿದ್ದು, ಸಂಜೆ ಅಥವಾ ರಾತ್ರಿಯ ವೇಳೆ ಹಗುರ ಮಳೆಯಾಗುವ (Light Rain) ಸಾಧ್ಯತೆಯಿದೆ.